Kaitautoko

Kia tika ai i tō papa kāinga, me tō wāhi mahi

E ngākaunui ana mātou ki te tautoko i ngā hapori e mahi nei mātou, me te tautoko hoki i ētahi pakihi, karapu, kura anō hoki, ahakoa ā-rohe, ā-motu hoki mā roto mai i te Tarahati o Heartland.

I roto i te hapori, huri noa hoki i te motu

I Te Pēke o Heartland e mōhio ana mātou he kawenga ō mātou ki te āwhina i ngā hapori e mahi nei mātou. Whāia ai e mātou he tukanga pūtea tautoko, ā-motu, ā-rohe anō hoki, me te aha, inā te mahi a te uepū, a te karapu, a te kura hoki ka tautokona e Te Ohu o Heartland. He ohu ohaoha kua rēhita ōkawa nei, Te Ohu o Heartland, i motuhake ai ia, ahakoa e tautokona ana e Heartland. I whakatūria ia ki te tautoko i aua uepū rā e ita nei ki te poipoi i ngā māhuri tāngata o Aotearoa e kite mai ai ō rātou pitomata motuhenga.

TE HUNGA KA TAUTOKONA

Heartland Bank Sponsorship

Te tautoko i ngā tīma whutupōro matua ā-kura

Mō ētahi tau ināianei, kua mahi tahi Te Tarahati o Heartland me ngā tīma whutupōro matua o ngā kura puta noa i te motu. Whakamāmā ai ngā tautokotanga a te Tarahati i te hokona o ngā kākahu ā-tīma, me ngā taputapu whakangungu hoki. He hākinakina rawe te whutupōro e whanake ai ngā pūkenga mahi tahi, pūkenga whakatapatahi, pūkenga ū hoki ki te kaupapa – ko ia, ko ngā tino uarā i whakahī ai a Heartland ki te tautoko.
Heartland Bank Sponsorship

Te Poipoi Rangatiratanga

E tautoko ana mātou i te InZone Education Foundation mōna e tapatahi nei ki te whakawhānui i ngā hua mō te Māori, me ngā taiohi hoki o Te Moana-nui-a-Kiwa, mā te whakakāinga i a rātou ki ētahi whare tata ki te kura, e pai ai te taetaetanga atu a ngā tauira rikarika ki ō rātou nā kura hirahira.
Heartland Bank Sponsorship

Te whakanui i te reo tuhituhi

I tēnei wā ko Heartland te Kaitautoko Platinum o Te Auckland Writers festival, a ia, te kaiwhakaaweawe o te tangata, ahakoa te pakeke, kia aroha ai ki te pānui. E whakahī ana mātou ki te tautoko i tētahi momo kaupapa mā ngā ahurea huhua, tūmanako huhua, whakareanga huhua anō hoki.
Heartland Bank Sponsorship

Akiaki hoko kairapu mātātahi

Kia ita anō ai ō mātou akaaka tuawhenua, kua noho a Heartland hei kaitautoko matua mō ngā whakataetae Young Auctioneer of the Year competition, ki te ahurei Canterbury A&P mai anō i te tau 2012. Ko tā te whakataetae ā-motu nei he ngana ki te whakatairanga, ki te whakapakari hoki i ngā hoko kairapu mātātahi, ki te whakapiki hoki i te taumata kounga puta noa. Mā te tautokona o ēnei toa o Aotearoa e Heartland, kotahi tonu atu rātou ki ngā wheako hoko atu i ngā kau, i te Sydney Royal A&P show.
Heartland Bank Sponsorship

E tautoko ana i ngā whetū tārake o te hapori

Mō te tekau tau, kua tautoko te pekanga o Heartland ki Hakatere i te kaupapa hapori, i te Heartland Bank Schools' Music Festival. Hei tā Andrew Wilson, te kaiwhakahaere i te pēke Haertland ki Hakatere, i te ngahuru tau kua tautoko ia i te kaupapa nei, inā te tini o ngā kanohi menemene kua kite ia i te atamira. "He hua te kaupapa nei i ngā hekenga werawera o ngā tamariki e whai ana kia karawhiua ā rātou mahi mō te hemo tonu atu."