Tō Mātou Hītori

He hītori roa o te kōwhiri i ā mātou kiritaki i te tuatahi

He wāhanga nō Aotearoa nō te tau 1875.

Inamata, inā noa atu te manaakitia paitia ōu e tētahi pāpori whakatū whare, ā, ko tā te pēke he hoatu i ngā pāpātanga papai katoa. I ā mātou akaaka kei ōnamata, ko ō mātou karu kē kei anamata e titiro ana, hei reira koe ka kite, ko mātou te tino hanumitanga o aua mea e rua rā.

1875
Whānau rawa mai a Heartland ko Ashton Permanent Building & Investment Society kē tōna ingoa, nāwai ka mahi tahi ia me ērā o SMC Building Society me Loan & Building Society e kīia ai ia, ko CBS Canterbury.
1923
Ka tīmata wā Southern Cross (i mua i te kīia ōna, ko Heartland) mahi ki Tāmaki, e taea ai e ia te tuari atu ki āna kiritaki ētahi tini rautaki haumi, penapena, whakataurewa pūtea, pūtea pēke kaute rānei o ia rā, o ia rā.
1957
Ka rewa a MARAC Finance ki te āwhina i te whakawhanaketanga o ētahi pakihi iti, āhua autaia tonu anō hoki.
2011
I te tīmatanga o te tau, ka hanumi a Southern Cross, a CBS Canterbury, a MARAC anō hoki e rewa ai te pakihi e kīia nei, ko Heartland Building Society.
2011
I te 31 o Here-turi-kōka 2011, ka riro i a Heartland a PGG Wrightson Finance, ā, nāna ka oho te mauri o te mahere tuawhenua a Heartland me te iwi rautanga ki te tūāpapa, ā-rawa, o Heartland.
2012
Ka riro i a Heartland tana rēhita pēke i te Reserve Bank of New Zealand, e tutuki ai tana whāinga o te noho mai ko ia anake tā Aotearoa, ā-mahinga, ā-whakahaere hoki, ā-uepū tahua pūtea, me te tapanga atu o tana kamupene tupuna (Heartland New Zealand Limited) ki te rārangi ingoa o NZX Main Board – te kāinga o te mākete mana taurite o Aotearoa, me te mana hirahira ā-pūtea e mōhiotia ana, puta noa.
2013
Ka panoni a Heartland Building Society, mai i tētahi pāpori waihanga whare ki tētahi pakihi, ā, ka kīia ia, ko Heartland Bank Limited.
2015
Ka hono anō a Heartland Bank Limited ki tana kamupene tupuna, arā, ki a Heartland New Zealand Limited. E kī ana tēnei, ko Heartland Bank Limited te tuatahi o ngā pēke rēhita o Aotearoa kia whai wāhi ai ki te rārangi ingoa o te NZX Main Board.

He aha ā muri atu?

E rerekē tere ana ngā pēke me ngā tūmanako hoki o Ngāi Aotearoa e pā ana ki te tikanga o ngā pēke. Nā tō mātou mataara, me ā mātou tukanga auaha tēnei āheinga o te āwhina i a koe, ā-penapena, ā-moni taurewa, ā-haumi anō hoki rānei.

Āhuatanga pēke mau roa

Ngā rautaki tere, atamai hoki, me ngā huarahi māmā ā-tuihono, katoa ēnei he rongo pai mā te katoa – kaua anake ki te hunga pakeke, tōna 20-35 te pakeketanga. Tirohia ā mātou tukanga manaaki tāngata e pai ai ngā mahi pēke mō te katoa.

Tohunga Mōkete Tauaro

He tohunga mātou ki te āwhina i ā mātou kiritaki ki te whakamahi i ō rātou kāinga e taea ai e rātou ō rātou tūmanako katoa i roto i tēnei mea, i te rītaiatanga.

Mōkete tauaro

Te whakatupu pakihi iti

Ko ngā Pakihi Iti te manawa pātukituki o te ōhanga o Aotearoa. E āwhina ana mātou kia tupu ai aua pakihi iti rā mā ētahi tukanga hou o te whakawhiwhia wawetia, māmātia, tikatia hoki ō rātou ki ētahi pūtea.

Kua tuhera ngā tatau

Āe rānei, kei te pīrangi whakapā mai?

Tirohia ngā huarahi e taea ai e Te Pēke o Heartland tērā mōu.

Whakapā mai