E Pā Ana Ki A Mātou
Nau mai ki te mahinga rerekētanga o ētahi mea
Anei ā mātou tukanga.
-
Mā mātou āu mahi e whakangāwari
Mēnā e tono ana i te pūtea taurewa, e whakatakoto ana rānei i tētahi kuhunga tūmau, e ū ana mātou ki te rapu i te ara ngāwari ki a koe. Ka aro mātou ki te tere, ki te ngāwari hoki o ā mātou mahi katoa, e horo ake ai te whakaaetia o ngā mahi.
-
E mōhio ana mātou, he taonga te wā ki a koe
E mōhio ana mātou kāore e mātāmua ana ki a koe te kōrero ki te pēke. Koinā te take ka whai mātou i ētahi huarahi e nui ake ai te wā ki a koe ki te whakahaere i tō pakihi, ki te tāoki, kia tere tutuki ai i a koe ō wawata. Ki te whai wā koe ki te whai i ngā mahi e hiahia ana koe ki te whai, ko te painga atu tēnā.
-
E toro ana ngā ringa āwhina, engari e kore e haukoti i a koe
E mōhio ana mātou he rerekē ngā whakaaro mō te manaaki kiritaki o tēnā, o tēnā. He rawe ki a mātou te whakahoahoa ki ā mātou kiritaki. Ka waea mai ana koe, ka kōrero koe ki tētahi tangata whakahoahoa, tangata tūturu. Ka toro mai ana koe, ka āwhinatia koe e tētahi tangata n ō te hapori tonu. Engari, mēnā e hiahia ana koe ki te ratonga ipurangi tere, ngāwari an ō hoki, koinā hoki tētahi o ngā painga o konei.
-
Ehara mātou i tētahi pēke noa
E whakahīhī ana mātou i tō mātou Aotearoatanga, i tō mātou hītori Aotearoa an ō hoki. Heoi, ehara i te mea koinā anake tō mātou motuhaketanga. Ka toro atu mātou ki te hangarau, me te āheinga o te hangarau ki te whakangāwari ake i ngā āhuatanga ki ā mātou kiritaki. Ka tere tā mātou mahi, kāore he paku raru. He tīma iti, he tīma moruki mātou, ā, he hītori pai tō mātou mō te whakatutuki i ā mātou whāinga.
Te rangatira o ngā mahi Mōkete Tauaro – I konei, i Ahitereiria anō hoki.
Ehara anake i te mea ko Heartland kei te para i te huarahi i konei, i Aotearoa, hei kaiwhakatauaro mōkete, te kaiwhakatauaro mōkete nui katoa hoki o Aotearoa, engari ko ia hoki te uepū tauaro mōkete nui katoa o Ahitereira, mā roto mai i te ingoa o Heartland Seniors Finance. I hokona e Heartland a Heartland Seniors Finance, i mōhiotia i mua ko Australian Seniors Finance, i te tau 2014, ā, e whanake kaha tonu ana te pakihi rā. Ko ngā hua hirahira, me ngā tukanga manaaki tāngata ngā take i whāia nuitia ai a Heartland Seniors Finance hei kaiwhakatauaro mōkete e ngā kaumātua huhua o Ahitereiria.
Kua toa te Heartland Seniors Finance i Ahitereiria i te Money Magazine Best Reverse Mortgage mō ngā tau e whitu karapīpiti, ā, e poho kereru ana kia noho ko mātou ko te Canstar’s 2017 Reverse Mortgage Provider of the Year.
Mā te Heartland Seniors Finance i Aotearoa me Ahitereiria, kua āwhina mātou i te tini me te mano o ngā kaitāoki ki te whakaputa tūtanga i ō rātou kāinga, e tā ake ai tā rātou okioki.
Tō Mātou Kāhui Whakahaere
Kei tō mātou kāhui wheako rau, mata rau anō hoki ngā pūkenga, ngā mātauranga, me te tūruapō tika e anga whakamua ai a Heartland ki te anamata o ngā mahi tahua pūtea.
"Ko ngā kiritaki te mātāmua o ā mātou mahi katoa. Kei tua i te manaaki noa i ngā kiritaki. Ko te whai ara e pai ake ai te āhua ki ā mātou kiritaki, ki ngā hapori hoki e noho ai tātou. Mai i te whakakuhu i ngā whānau ki ngā waka haumaru, ki te āwhina rānei i ngā kaitāoki kia tā ake ai te okioki kia kaua e māharahara ki te pūtea. Koinei ētahi o ngā kaupapa ka whakatutukihia e mātou e whai oranga ake ai ā mātou kiritaki."
Jeff Greenslade
Rangatira me te Toihau, Heartland Group
"Mēnā e whai ana koe ki te tiaki pūtea, ki te tono pūtea, kei konei mātou ki te āwhina. Ka whai hoki mātou kia wātea ki ngā wāhi e tika ana ki a koe. Kei konei mātou hei ngā wā e hoko waka hou ana koe i te toa hoko waka, kei te ipurangi mātou hei ngā wā e whai ana koe i tētahi pēke tiaki pūtea, kei tō waea pūkoro rānei hei ngā wā e whakataurite mahi ana. Hei ngā wā e hia āwhina ana koe, kei konā katoa mātou."
Chris Flood
Toihau, Heartland Bank
Ngā Meka Tere mō Heartland
| Whakapapa | Toro ai ngā akaaka o Te Pēke o Heartland ki te tau 1875. |
| Inenga Moni Taurewa | BBB (Outlook Stable) i Fitch Ratings. |
| 100% mŌ NZ | Kua mahia, kua whakahaerehia hoki e Aotearoa. |
| NZX Main Board rārangi ingoa | I whakaingoatia ki te rārangi NZX Main Board, ā, kei te takiwā o te 11,000 nei tāngata, e noho kaiwhaipānga ana ki a ia. |
| $4.3bn ā-rawa nei | He huhua ngā momo kohikohinga ā-rawa nō ngā ao pakihi, ao mātai whenua anō hoki. |
| $3.6bn ā-utanga | 38,000 tāngata tāpoi moni, neke atu hoki i te haurua kua noho mai ki a mātou mō te 10 tau, neke atu. |